Seelsorgenrat

Il cussegl pastoral dalla pleiv Breil/Brigels ei in organ ecclesiastic che cusseglia e sustegn il plevon en damondas da pastoraziun. En nossas pleivs eis el vegnius formaus la primavera 2010.

El secumpona ord ils suandont quater secturs:

Il cristianissem capescha sut "annunziaziun" il raquintar e dar vinavon igl evangeli da Jesus Cristus. Pia annunziar la nuviala, la veta e la missiun da Jesus. La fuorma classica schabegia duront il survetsch divin cun ils texts biblics, il priedi ni la meditaziun.

Quei schabegia denton era duront las lecziuns da religiun ed en la scolaziun da carschi per exempel seras biblicas, brevs a geniturs giuvens ect.

Il plaid "diaconia" deriva dil lungatg grec e munta "survir". Sut diaconia capeschan ins tut ils aspects dil survetsch al concarstgaun che schabegian en connex cun la Baselgia. En quei agid semuossa solidaritad, cumpassiun, agid spontan, empatia, etc.

Sut l'expressiun "liturgia" ei da capir rituals per ludar Diu e per profundar la cardientscha. La liturgia cumpeglia tuttas fuormas da survetsch divin, oraziun e cant, simbols, sacraments e benedicziuns, sco era vestgius ed utensils che vegnan duvrai el survetsch divin.

Ina cuminonza ligia ils carstgauns in cun l'auter e dat tegn, forza ed identitad. Negin sa esser cristian(-a) mo per sesez, igl esser Baselgia sebasa sin la cuminonza.

Nus promovin la cuminonza en nossas pleivs cun l'organisaziun da differentas occurenzas ed entras il sustegn e la promoziun dallas tradiziuns localas.